بقلمى رشا شريف "قال إيه بيحبنى" قال إيه بيحبنى هاهاى ضحكتنى كان فين حبك زمان لما روحت وسبتنى بتقول بتحبنى هاهاى ضحكتنى كان فين حبك زمان لما جرحتنى كان فين حبك لما قسيت عليا وبعتنى اسكت خالص واوعى تقول بتحبنى دانت الحب حتى فيه كرهتنى أنا مابقتش أنا دا بجرحك علمتنى قال إيه بيحبنى نفسى أعرف منك للحب إيه تعريفك يعنى تظلم وتجرح وتقسى على كيفك دانت اديتنى درس وأشهدلك بالنجاح علمتنى فيه كل أنواع الجراح يعنى اسمع منى وابعد عنى وارتاح انت بالنسبالى يدوب ماضى وراح وبكره كل حاجه بيك بتفكرنى يعنى لا كلمة بحبك ولا دموعك هتهزنى ولا دور الحنيه دا هيهمنى أصل أنا حبك فهمته وبقى منهج أدرسه ياريت تكون فهمت حاجه من اللى أنا قولته وياريت الحب تانى منك مسمعش سيرته تانى بتحبنى والله ضحكتنى
