جارى التحميل
استخدم زر ESC أو رجوع للعودة
000000 يلا قوام 000000
روحى يا نسمه وهفهفى
ورورى جميه وحواليه
والعبى حبه ف شعره
لما يفتح عينيه
هو كان سهران معايا
بنحكى ف اجمل حكايه
بس سابنى ونام خلاص
وقلبى مش صعبان عليه
روحى يا نسمه واحكي تانى
عن شوقى المتدارىلبه
وان قلبى كله حب
ومش هموت غير بس فيه
وانا عمرى كل عمرى
وسنين حياتى بس ليه
وانى لسه بشوف الفرحه
بتترسم جوه ف عينيه
وان قلبى من السعاده
بينقسم نص ليا ونص ليه
روحى يانسمه وهفهفى
لجل ما حبيبى يرضى
وعرفيه ان الا قبله
كله كله راح وعدا
وانى هنئشوله ايديا
نئشه لولى ونئشه فضه
وان عمرى كل عمرى
ابتدى بس النهرده
بس يلا يا نسمه روحى
مشتاقه قوى لروحى
انه يفتح عينيه
ويسمع قلبى بيناديه
ويجينى بسرعه واجيه
هو ده الا انا بحبه
واعيش العمر ملك ليه
بس لو تجرى يانسمه
قوام قوام وتبلاغيه
ان قلبى ف انتظار
لحظه ما يفتح عنينيه
ويسمع دق قلبى كل دقه بتناديه
يلا يا نسمه يلا قوام
بقلم / مياده محمد
