دموع مصر بقلم الشاعر يوسف ونيس

بقلمى يوسف ونيس مجلع ايطاليا بريشيا
اصدقائى الاعزاء اقدم العزاء لنا جميعا تقبل الله شهداء الوطن وانعم بالشفاء
على المصابين –كلمة بالعامية بعنوان دموع مصر
يا مصر متبكيش على ورود غابت عن البصر
دول فخر فى الدنيا و فى الاخرة واطيب اثر
متبكيش على قلب اب من الالم انعصر
متبكيش على قلب ام من الحزن انفطر
متبكيش على قلب ابن من احساس اليتم انقهر
ولا قلب بنت مزهول لسه مش مصدق الخبر
دول عزاهم ان حبايبهم فى حضن خالق البشر
------------------------------------------
اما عن دموعك اللى فاقت كثير سيول المطر
وفريها وابكى بيها على الابن اللى عنك انشطر
يقتل اخوه و يخون امه و ابوه وفاكر انه انتصر
ابكى بيها على الضمير اللى مرتاح فى الوزر
ابكى بيها على قلوب فى صلابتها فاقت الحجر
ابكى بيها على عقول مصباح النور فيها انكسر
متبكيش وقت التحدى متبكيش فى وقت الخطر
متبكيش على الشهداء دول حب غلب وانتصر
بقلمى يوسف ونيس مجلع