اناعلتك وانا الدواء
بقلم محمد البلاط
حنينى ليكى بيجرفه
سيل اشتياق
اناعلتك وانا الدواء
ليه بتنكرى
ان الدموع اللى فى عينك
من فراق
ليه بتنكرى
ان الانوثه فن اخد وعطاء
ليه بتنكرى
ولبسه ثوب الكبرياء
ولما اسئلك
عن دمع عينك
ردك يكون غبار حنين
طرف عنيكى
برغم انى
شايف فى عينك قلب حزين
ومن الضنى سامع له صوت
كله انين وبتنكرى
ورغم انكارك وحزنك
فاهم لسر ومعنى انوثتك
ويلزمك عطف وحنين
وباقل كلمه هابعثرك
واجعل انوثتك تظهرك انك ملاك
محتاجه للى يلملمك من الهلاك
من جمر فى القلب وضنى
بيحرق قلوب متعشمه
لو حتى من الحب بسواك
ودمع عينك هامسحه
واملكك حتى الفؤاد
و تحصدى من قلبى حب
لو حتى كان زرعك عناد
ورغم انكارك وحزنك
فاهم انوثتك
وكبريائك فى الجواب
لو حد يوم راح يسئلك
حاسه فى غيابه باشتياق
الصمت هايكون كلمتك
مع محاولة الاختفاء
تشكى بدموع لمخدتك
صحيح قتلنى الاشتياق
انا اللى ساكن موهجتك
اناعلتك وانا الدواء
ورغم انكارك وحزنك
فاهم انوثتك
وحنينى ليكى بيجرفه
سيل اشتياق
اناعلتك وانا الدواء
