قفلت القلب وقفلت بيبانه
ما سبتش ولا باب مفتوح
قالوا ماله عنتر زمانه
الجب يا عينى خلاه مجروح
بس لسة الحب مكانه
قاعد ومكلبش فى الروح
خلى الحزن لقلبى عنوانه
ماسك فيه مطرح ما يروح
اصل انت العند واخدك
ودايما عن قلبى بعيد
عيشى انت الحب لوحدك
وحيد الحب ما يعيشى سعيد
انا قررت اعيش وحدانى
عايشة من غير حب قلوب
ولا اتوجع ولا اقول يانى
ولا اتلوع ثم اتوب
وان كان ع الحب وموجه
انا هاعوم ضد التيار
وان جانى الشوق ومعاه هوجه
من نفس بحره حا طفى النار
مش را ح اعيش فى الذكرى وضريحها
مش راح اسيبها تعملى حصار
راح اصد نسيمها وريحها
واخليها فيا تحتار
كل اللى بينى وبين الحب
يا حبيبتى حبة اشعار
كل ما يشتاق القلب
هاعزف له بشعرى اوتار
الشاعر عبد الله الهوارى قنا قوص جرا جوس
أعجبني
