أنا مش عارفني أنا تهت مني أنا مش أنا

دي مش أغنية عبد الباسط ده حال معظم المصريين للأسف

إحنا مفيش حاجة في حياتنا فاهمينها صح ولا نفسنا ولا ديننا ولا الصداقة ولا الأسرة ولا واجباتنا ولا حقوقنا ولا إحنا نقدر نعمل إية ولا إية إمكانياتنا ولا نقط ضعفنا

عايشين الحياة كدة وخلاص لدرجة إننا ساعات بنقع في نفس الغلط مرتين

النتيجة

حياة أسرية كئيبة كأنها سجن

مفيش تصالح مع نفسنا يعني جوانا إتنين بيتخانقو مع بعض

مش فاهمين ربنا

مش عارفين نرضي نفسنا إزاي

ولا نرضي ربنا إزاي

معندناش خطوات كدة 1  2  3 نعرف بيها إحنا إية ونمشي إزاي في الدنيا دي

إحنا لو عندنا مكتبة فيها 100 كتاب بس منظمة ومترتبة أحسن من مكتبة فيها 1000000 كتاب ومش مترتبة الأولي مفيدة أكتر

المصري كدة عشان كدة بيقولوا علية سبع صنايع والبخت ضايع لييييه ضايع؟؟

عشان ما حاولناش نبقي صنعة واحدة متقنه إحنا نعرف قشور بسيطة عن حاجات كتير وده بيخلينا نحس إن إحنا فاهمين كل حاجة

هل إنت تعرف كام معلومة منظمة عن دينك؟؟؟

هل أنت أو إنتي تعرفوا إية واجبات وحقوق الأخ أو الأخت الجار أو الجارة الصديق أو الصديقة؟؟؟؟

هل تعرفوا الفرق بين الحب والصداقة وحدودهم؟؟؟

هل تعرفوا الفرق بين الزمالة والصداقة ؟؟؟

هل تعرفوا تحطوا خطوط حمراء لتعاملك مع الآخرين وما تخلوش حد يستغل قدراتكو أو يخترق حياتكو الشخصية ؟؟؟

هل فكرتو إحنا إستفدنا إيه من تجارب إللي قبلنا غير الأمثال؟؟؟

هل بعد ما كل البشر دي ما عاشت علي كوكب الأرض محدش عرف يجمع قوانين الحياة السعيدة

للأسف إحنا عندنا حاجات كتير ما نعرفش أهميتها

لاااااازم كل واحد يسأل نفسه أنا إمكانياتي إييييه؟؟؟ وطموحاتي إيييه ؟؟؟ و إييه الخطوات إللي أعملها عشان أوصل للي أنا عايزة

و أنت بتفكر في كدة فكر وما تحكمش نفسك بخبرات إللي قبلك ولا بكلام الناس خلي الناس بعد ما تسيب الأرض يقولوا إحنا هنمشي زي ده ده فهم الدنيا صح!!!!