بسم الله الرحمن الرحيم
الواحد بينزل من بطن أمه أو الواحدة ما بيعرفش هو بيعمل إيه؟
يتعلم لحد5 إبتدائي يقول يلعن أبو التعليم يقولوا كمل خلاص أنت داخل ع الإعدادي مرحلة تعليم حلو تدخل أولي إعدادي تلاقي بأه بداية الحلويات
الولاد
شوية منهم بيهتموا بالبنات وبالأب و الأم بيخلفوا إزاي و بأفلام البورنو و هما بلغوا ولا لسة و العاده السرية وكده وينغمسوا في الموضوع ده
وشوية منهم يشربوا سجاير ويحاولو يقلدو عادات الرجال الكبار الغلط عشان يعتبروا نفسهم دخلوا في مرحلة الرجالة
وشوية يسمعوا من الشباب الضايع الكبار إن الدنيا دي عافية ولازم تبقي عبده موته أو الألماني عشان تعيش وما تحترمش حد وتتعلم شوية مصطلحات كده كأن الدنيا إدتك خبرتها كلها وتكتب البلوتوث "صغيرين بس معلمين"
وشوية بأه راكبين المرجيحه شوية مع أي شلة من دول وشوية يحسوا بالذنب ويحاولو يمشو في طري ربنا ف يتشددوا أوي وما يلاقوش حد يترجملهم الإسلام ليتماشى مع الواقع الأليم ف يرجعوا يروحوا لأي شلة
البناااات بأة
شوية يصاحبو بعض ويكون محدش مهتم بيهم في البيت وفاكرينهم قطط يتلموا علي بعض ويكلموا ولاد ويعملوا حوارات وكل يوم حوارات وإشتغالات
وشوية منطويين كل واحدة قاعده في جنب مع أحلام اليقظة وفارس الأحلام
وشوية يتكلموا مع شباب أكبر منهم عشان يعوضوا إهتمام الأب المفقود
وشوية بنات يقعدوا خايفين جدا من تغيرات مرحلة البلوغ ويكونوا مكسوفين وخايفين جدا حتي حد من الجنس الآخر يبصلهم
وشوية بردوا مقربين لربنا وبيسجنوا نفسهم ويعيشوا حياة الولد عشان ما يتعاكسوش وفي الغالب بيتعقدوا
نيجي بأة لمرحلة الثانوي
كل واحد يعرف فشل النظام إللي كان ماشي علي في الإعدادي فيغير نظامة لأي نظام معاكس المنطوي يحاول يكون جرئ وال صايع يحاول يحترم نفسه
ونبتدي بأه كان واحد كان بيعوم لعب عيال عالشط وفجأه مايلاقيش أرض نبدأ نغرق في بحر الدنيا
إللي فيه كل المجروحين و المطحونيين من الدنيا و إللي مش فاهمين الدنيا عايزاهم يتعاملوا معاهم إزاي يطلعو غلهم في طلبة الدنيا الجداد يجرحوا فيهم وينصحوا فيهم وكل واحد يعمل إنه عارف الدنيا وغدرها
ونفضل كده كلنا نخبط في بعض من غير مرشد نرجعله نعرف مين صح ومين غلط
نفسي أعرف مين المرجع للصح والغلط نرجع لمين ومين يترجملنا الدين لمنهج نمشي علية مش كلام جامد
ويا تري إزاي نمشي علي الدين وما بقاش دقه قديمة و إزاي نساير الواقع وما نبقاش كفره عشان كل بدعه ضلاله و كل ضلاله في النار
حد يفهمني
