إنت مش مجرد علم . إنت رمز لعزة وطن . وليك معانا فى التاريخ حكايات . فيها أفراح كتير كتير . وكمان دموع وأهات . وفى القلوب كمان علامات . رفعوك بيها صبيان كمان وبنات . وبيك المغرمين كتير . فى الرايحه والجايات . كلهم رجال كبار . وكمان أمهات حنونات . وتحت حبات المطر . قطعوا بيك مسافات . وفى الهجير حضنوك بالابتسمات . لانك غالى عندنا كتير . يا أحلى وأروع الرايات . وحتى لما بنحزن . حزننا عليك بيبان . وفى الفرح بتبتسم بالالوان . وربى يحفظك لينا . ترفرف فى وادينا . كما جناح اليمام . وبهديك سلام من عرابى . بطل مصر الهمام . وعبد الناصر كمان . ومن أم كل شهيد . بتهديك تحيه كمان . ومن جيشنا الوفى . ليك ألف تريليون سلام . وشرطة مصر وجيشها نزفوا علشانك دماء . وفلاحين مصر جنوب وشمال . رفعوك كمان فى غيطان . ده مش كلام يا علمنا . دى فعلا حقيقه تمام . وبدو سينا ياما عملوا ليك بطولات . والنوبه ياما كتبت فيك روايات . وهى دى مصر يا علمنا . ليها معاك بطولات . أصلك إنت مش مجرد علم . إنت رمز لعزة وطن . وليك معانا فى التاريخ حكايات حكايات حكايات ( تحيا مصر ) فاروق غانم
المصدر: بقلم / فاروق غانم
نشرت فى 10 نوفمبر 2013
بواسطة zeraah
ساحة النقاش