،،،مملكة الحروف،،،
صدفه التقيت بكتاب مفتوح
كلماتو عم ترقص من الجليد
لمستها وقلت يا رفيقة الروح
اليوم انكتب لحروفك عمرها الجديد
حملت لقيتي وقبل ما الفجر يلوح
وقلت قبل ما يفيقو طيور هالقرميد
رح اترك هالقلب عليكي مشلوح
ووصيتو يغذيكي بدمات الوريد
انا هيك وهيدا فكري السموح 
ما بيقبل حروف بردانه بالإيد
وما بيقبل يبني للشعر صروح
إلا بنشاط وعطور كل العبيد
اعذروني اذا حبيت بسري بوح
إني عن درب العشق ما بحيد 
وإني ندرت بسمتي لوجهها الصبوح
وسلمت حكم الإمارة لعيون حبيبتي 
تا صار مفتاحها لمسه منها مش شقفة حديد،،
علي ناصر ،،،