وشمسك لسه هربانه 
بتدارى 
مش قادرة 
تواجه زيف 
مشاعر 
تحرق البسمة
على خدك 
تسيل أوجاع
تصب مرار 
فى حلق النهر
تنادى ع السما الصافية
هواكى 
لما أصبح طيف
بيسبح 
فى حدود ضيك
فيغرق 
فى دموع القهر
ونهر كبير 
مهوش قادر
يكون مرسا لأحلامك
على بابك 
سنين العمر مخنوقة
بزور مبدورة على أرضك 
تصون عرضك
ف عرضك 
داوى أحشائك
من البزرة 
اللى معطوبة
طوبى 
للى يوم صانك 
وطوبة 
فى وش مين خانك
يا مانحة الكل إحسانك
وجامعة 
من البشر حسنات
نهارك 
مهما طال غيمه
يزقزق ب الادان عصفور
وصبحك عمره ليلة ما مات
منصور عبد المقصود الشاعر