فى ناس بتعدى 
فى حياتك 
وتمشى 
اكنها فى الاصل 
معدتشى
وناس 
بتسيب فى جلدك 
وشم 
وتحفر فى النخاع
ذكرى
وقلبى لجل بكره يعيش 
بيوهم نفسة 
لاكن برده 
مابيعشى
ونرجع من تانى ونحاول 
نصبر قلبنا بكلمه 
وجايز بكره يكون شايف 
ويرجع بحاجة مش المه
ونبداء الرحلة م الاول 
وحلم بحلم بيطول 
واخره الحلم يبقى 
كابوس
نقرب لقلوب بتهجرنا
وتعشقنا قلوب تانيا
معادله 
فيها بند عجيب
بان القلب بيقرب 
لناس في اساسها 
مش منا
لأكن
الوعد والمكتوب 
ومين من نصيبه 
يفر 
في ناس بتحب بقلبها 
وناس بتحب يعنيها 
وناس الحب بيعدي 
عليها أكنه 
حرف 
الجر
فى ناس بتعدى 
فى حياتك 
وتمشى 
اكنها فى الاصل 
معدتشى
وناس 
بتسيب فى جلدك 
وشم 
وتحفر فى النخاع
ذكرى
للشاعر الغنائى / سعد محمد سعد