خلاص نويت تغادر
وتروح تسكن بعيد
وتسيب القلب اللى حبك
وشاف منك كتير
وعلى فكرة أنا كنت عارفة
طول عمرك خسيس
وأول ما تجيلك فرصة
هاتطير ذي العصافير
والعيب كان أصلة
مني علشان عملتك حبيب
وطيرت كل اللى جالي
مابين غني وفقير
وكانوا بيخطبوا ودي
علشان أحن وأميل
وفضلتك كتير عليهم
وقلت أمرك ياسيد
وجاي ليه الساعادي
وتقول هاهج وطير
ومالو ومع الف سلامة
أنا ربي عنده الكتير
وعمرها ماوقفت على حاجة
إلا وحلها يسير
واللي خلقك ياهذا
خلق منك ملايين
بس هما كلهم حاجة
وإنت اكبر حقير.
كلمات / جمال حلمي