فيس حب 
...
تبدأ القصه معاكى
ب6 كومنتات 
وبوست 
كنت باكتبلك حروف الشوق 
واراهن قلبى مش هاقدر 
ادوس انتر 
ودوست 
واما أشوف جمله عجبنى 
تحت جمله كتبتهالك 
بارقص الرقصه التويست 
وارسم البحر فى عيونك 
واحلم انى هاجيب لألى
والقى نفسى ف قلبه غوصت 
وابعت الشوق بالايموشن
وانتظر .....
واسأل حسابى 
ايه يا فيس انت اتخرست
وانتظر كل الرسايل 
اللى اوف ...و الان.. فى بوكسى 
القى عرض لموسى كوست 
وافضل اتعلق 
واعلق 
نفسى بالحبل اللى داب 
القى بيجيلى الجواب 
انه 
Game over 
You lost