أهلك
مشيت ورا جتة الميت 
باشيعها
وبادعيلو
ينور ربى قناديل الحياة ف قبره
ويجبر ربنا خاطره 
الميت 
عاش كبير أهله 
وعلى شرفه تقوم خناقات
والفين ايد اليه تتمد
وتفرشله موكيت احمر 
بلون الورد
ومن كل القنا يعبر 
وملهوش سد
مواكب لما بيعدى
تقول يا دنيا اتهدى
على ضهرك مفيش قدى
وميت يافطة 
وميت صورة
نبارك نحن ونؤيد
ومولانا الإمام يدعى
وندعى وراه بالف امين
وتجرى الدمعة من عينى 
تفر كأنه من ناسى
واحساسى 
بأنه شال على اكتشافه
حمول ياما
لكن آخره
يشيله الأهل ع الأكتاف
فاوعى تخاف
مدام اخرتها نتساوى
ونلبس برضه نفس التوب
مدام كل الجتت واحدة بتتحول
واخرك يسرى فيك الدود
فعيش فى الدنيا بكرامة
واوعى ف ليلة تحنيها
وشوف مين اللى عاش فيها 
وراح توبه ما يشبهلك
وشوف مين اللى بكا فيها 
غير أهلك
فشيلهم فوق حنا قلبك 
وحوط بين محبينك 
بسور من ود
وازرع فوق جبينهم ورد 
وأسمع منى احلى كلام 
يقولها بجد
أهلك ثم أهلك ثم أهلك 
لآخر حد
منصور عبد المقصود الشاعر