كانت 
..................
كانت بتعشق مصحفه
وتخرجه من شنطته 
لما بيرجع من هناك
شكل الملاك
عمر الأجازه قصيره
عاشت كتير متحيره
أخده ف حضنى 
والا اسيبه للصحاب
مكنتش لاقيلها جواب 
غير انها
عايشه عشانه التضحيه
أفرح حبيبى 
الفرح على شانك امل
شيفاك 
فى بكرة المحتمل
والدنيا مش سايعة حبيبى 
خطوتك
تربيتك 
حتى علامك معجزه
مزعلش منك يوم ابوك
كل اللى كان ليهم معاك ذكرى 
حبيبى بيحسدوك
عايش فى وسط الناس علم
عمرك ما سببت الالم
والليلة ضمت مصحفه 
على صدرها
كل الدموع المتحاشين 
ليوم الفرح
نازلين سيول على خدها 
الليلة دى مجاش ابنها
راجع لواحده مصحفه
غرقان بدم
منصور عبد المقصود