ياللي نازلة من بيت ابوكي كما الاسد
ياللي اسمك بنت بس و الله بميت ولد
ان كان جيوشنا في الشوارع عروا الجسد
نزعوا توب و في عيونا كنتي مستورة
تسلمي يا بنت مصر يا بنت الاصول
لولاكي انتي ماعرفنا مين هما الفلول
مين الخفي و مين اجندة و مين مسؤول
الاصل واحد و باقي الاسامي صورة
انتي اجمل و انتي اطهر ما في عقولنا
ما يكفي قول و لا حكاوي مهما قولنا
عصفور عنيد طاير و ثاير عدي سورنا
ازاي قوليلي في وش الظلم كنتي جسورة؟
ملكة وسط العبيد و راسك فوق
مين اللي نزع من قلوبنا معني الذوق؟
يا شعب مصر كفاية ذل و يلا نفوق
الثورة شايفة نفسها في مراية مكسورة
يا نسر ياللي دايما فوق مبينزلش
ايه نزلك و ليه عنيد ما بتندمش؟
كفياك ضحايا ضحياك يغطوا عين الشمس
ارجع مكانك و خلي الراية منصورة
ارحل يا نسر لفوق لجبال عاليين
من امتي كان موطنك ما بين تعابين
و من امتي كانت شغلتك تقلب الموازين؟
يظهر قوتك غرتك اصلها دنيا غرورة
الرجولة يا شبابنا العظيم مش بالشنب
الرجولة يا اسيادنا الكبار مش بالخُطب
الرجولة و لا ليها معني من غير ادب
و ادي بنت من وسطنا علمتنا معني الرجولة
اتعلموا و شوفوا يعني كلمة شرف
شباب زي الورد ما بين فقر و ترف
شباب جميل علي حب مصر اتعرف
نصرتوا مصر و رفعتوا راية مقهورة
يا كلمة حق علي طرف كل لسان
مين الشهيد و مين سجين و مين سجان؟
انطق و قول و الحقني من الهذيان
الوجه نصه حزين و نصه ضحكة مسرورة
ساحة النقاش