بقلم – محمد حمدى
لينا : هاهاهاها إنت رجعت مِن غير ما تشترى حاجة،يا مسعود !
مسعود : الأسعار نار،يا لينا !
لينا : ما هية الأسعار نار،يا مسعود !
مسعود : الأسعار زادت،يا لينا؛بسبب حرب أمريكا،وإسرائيل،مع إيران !
لينا : الحروب دى على حساب العرب،لكن غلاء الأسعار على الكل !
مسعود : أجرة شباس الملح،دسوق،بقت ب9جنية،دا أنا كنت بأروح الكلية بجامعة الأزهر،فى القاهرة،مِن 20سنة،ب7جنية،الأجرة كانت مِن دسوق،للقاهرة،ب7جنية،وأجرة شباس الملح،دسوق بقت،ب9جنية،يا لينا !
لينا : بص فى تليفونى كده،يا مسعود،دا الدهب عيار21بقى7400جنية؛دا إحنا كنا متجوزين فى سنة2013م،وكان الدهب عيار21 أيامها ب 285جنية !
مسعود : أنبوبة الغاز الصغيرة ب280جنية،والكبيرة ب550جنية؛دا قبل سنة 2000لما كنت فى الإبتدائى،والإعدادى،كانت أنبوبة الغاز الصغيرة ب3جنية،والكبيرة ب4جنية،يالينا !
لينا : الأنبوبة كانت ب3جنية هاهاهاهاها؛دا الولاعة دلوقتى ب10جنية،يا مسعود ؟!
مسعود : وكان فيه ثبات فى الأسعار،فى أول الألفية،وأنا فى ثانوى،أجرة شباس الملح،دسوق،زادت مِن 35صاغ،ل40صاغ،وفضلت على كده لحد ما روحت الكلية،يا لينا،كانت الحاجة بتزيد حاجة بسيطة،وتفضل كام سنة،لكن دلوقتى الحاجة بتزيد50جنية،كل كام شهر !
لينا : الحكومة بتقول :" الحاجة اللى تغلى بلاشها" !
مسعود : خلاص بلاش أى حاجة،ياروحى،هاهاهاهاها،بلاش لحمة،بلاش سمك،بلاش لبس،بلاش،بلاش !
لينا : الله يعوض على الأجيال اللى جية،يا حياتى !
( ملحوظة : تاريخ كتابة تلك القصة،ونشرها،على الإنترنت،يوم الأربعاء،الموافق11مارس2026م)
😮😢😮