كتب- الكابتن محمد حمدى
ك-عاصم : إتغلبنا مِن كفرالشيخ2-0 يا كباتن !
ك-ياسمين : إحنا زهقنا مِن نتايج فريق نادى دِسوق السنادى !
ك-كركر : وأنا زهقت أنا كمان،وعاوز أروح الحمام !
ك-عاصم : يا علاء .
ك-علاء : نعم .
ك-عاصم : وصل الكابتن كركر الحمام !
ك-كركر : أنا عطشان !
ك-عوض : مِسكين الكابتن كركر!
ك-نور : نتايج فريق الكورة السنادى ضيعت عقله،كان فى مُنتهى العقل،كان دايمًا يقول : "أنا نفسى أشوف فريق النادى فى القِسم الثانى،وفريق مركزالشباب فى القِسم التالت؛لأننا عندنا المواهب،والمُدربين القادرين على كِدا "
ك-عاصم : شوفوا ابن البلد الكابتن طه حسين كدش،عمل إيه مع شباس الشُهدا،هو،ومُدرب الحُراس الكابتن محمد عوض ؟!
ك-كركر : أنا عاوز ألعب فى شباس،بدل فريق نادى دِسوق المِحتاس !
ك-نور : مفضلشى غير 3ماتشات،ولازم مجلس الإدارة يشوف حل بُسرعة؛علشان كِدا هنهبط !
ك-عاصم : أنا عندى الحل .
ك-كركر : وأنا عندى حل للفزورة،بس عاوز أصور معاكم صورة،بشرط أن قفايا يطلع فى الصورة !
ك- نور : إيه الحل اللى عندك يا كابتن عاصم،أرجوك ؟!
ك- عاصم : أنا عاوز الكابتن محمود خضر،مدير فنى،والكابتن شريف عبدالنبى النجار،مدرب عام،والكابتن عمرو الإبياوى،مدرب مساعد،والكابتن أشرف الشكلى،مُدرب حُراس،والدكتور رفعت سرور،أخصائى العِلاج الطبيعى،والأُستاذ محمد عُصام،مُدير إدارى .
ك-كركر : أنا مليش دعوة أنا عاوز أبقى مُدرب أنا كمان،يا هأزعل وهأبيع قُدام النادى خيار،وبطنجان !
ك-عوض : عندك حق يا كابتن عاصم؛لأن بصراحة إحنا بندعم الجهاز الفنى بكُل طاقتنا،والجهاز الفنى بيحصل مِنه حاجات غريبة خالص !
ك-كركر : أنا عطشان،وعاوز أروح الحمام،وجعان،وعاوز أنام....
ك- نور : بقى عمرو ميمى أباظة،ميلعبشى أساسى،عمرو،اللى مرضاش يسيب دِسوق،ويروح شباس الشُهدا،واللا مُصطفى الطناحى اللى قاعد على الدكة،وقاطع مِن قلبه،وبيلعبوا شيكا،والأنا اللى لسه صُغيرين،وعضمهم طرى ؟!
ك-ياسمين : والله أنا فيه أوقات ياكباتن،بأبقى هأنشل مِن التغييرات،والتبديلات،تبديلات وتغييرات 65% مِنها غريب،بس أنا بأسكت؛علشان أنا عاوزة إستقرار،لكن خلاص مُش فاضل غير 3ماتشات بس،ولازم نضحى مِن أجل الفريق .
ك-نور: خلاص مفيش حل غير الحل اللى قال عليه الكابتن عاصم،وأهو الكابتن شريف،و الكابتن خالد الإبياوى،و الكابتن محمود خضر.....عارفين كُل حاجة عن الفريق...
ك-عوض : وأى لاعب مُش هيلتزم لازم يكون ليه عِقاب،لازم نمشى بمبدأ "الجزرة،والعصا"
ك-عاصم : على البركة،يا كباتن !
👏💯❤️