بقلم – الكابتن محمد حمدى
ك-عاصم : إتغلبنا مِن طلائع الجيش2-1 يا كباتن !
ك-ياسمين : إحنا زهقنا مِن نتايج الأهلى السنادى !
ك-كركر : وأنا زهقت أنا كمان،وعاوز أروح الحمام !
ك-عاصم : يا علاء .
ك-علاء : نعم .
ك-عاصم : وصل الكابتن كركر الحمام !
ك-كركر : أنا عطشان !
ك-عوض : مِسكين الكابتن كركر!
ك-نور : نتايج الأهلى السنادى ضيعت عقله؛دا كان مفكر أن الأهلى السنادى هيعمل أرقام قياسية جامدة،كان مفكر أن محدش هيقدر يتعادل مع الأهلى حتى،وأنا شباك الأهلى هتبقى نظيفة،وشباك الخصوم هتتقطع !
ك-عاصم :أقوى إسكواد،فى الدورى،زيزو،وتريزيجية،وبن شرقى،وأمام عاشور،وديانج،ومحمد هانى،ومروان عثمان،ومحمد شريف،وحسين الشحات،وياسر إبراهيم،ومروان عطية.........
ك – كركر : وأنا كمان،أنا كمان،أنا عاوز أنا كمان،أنا مليش دعوة أنا كمان،إنشالله أبيع فى الملعب فجل،وبطنجان !
ك-عاصم : أنا عندى الحل .
ك-كركر : وأنا عندى حل للفزورة،بس عاوز أصور معاكم صورة،بشرط أن قفايا يطلع فى الصورة !
ك- نور : إيه الحل اللى عندك يا كابتن عاصم،أرجوك ؟!
ك- عاصم : مفيش حل غير أن يدربَ الأهلى جهاز فنى مِن الأهلى،والله مصر فيها المدربين الأكفاء .
ك-كركر : أنا مليش دعوة أنا عاوز أبقى مُدرب أنا كمان،يا هأزعل وهأبيع قُدام النادى خيار،وبطنجان !
ك-عوض : عندك حق يا كابتن عاصم؛عندك مثلًا الكابتن السيد عبدالحفيظ،كان ماشى كويس خالص،وكان اللاعيبة عندهم روح .
ك-كركر : أنا عطشان،وعاوز أروح الحمام،وجعان،وعاوز أنام....
ك – نور : الأهلى فيه نجوم،بس نجوم بدون روح،ومفيش حل غير مدرب محلى يرجعلهم روح النادى الأهلى .
ك- عوض : والله ياجماعة،لسه الدورى،فيه كلام،ولسه فيه دور تانى !
ك- ياسمين : الجواب بيبان من عنوانه،يا كابتن .
ك- عاصم : دا الكابتن كركر قعد على حجرى هاهاهاهاها
ك-نور : علشان كلامك صح،مفيش حل غير جهاز فنى محلى،حتى نوفر العملة الأجنبية،فى ظل الظروف الإقتصادية الصعبة اللى بنعيشها دى .
(ملحوظة : تاريخ كتابة تلك القصة،ونشرها على الإنترنت،يوم الثلاثاء الموافق10مارس2026م)
👏👏👏💯💯💯⚽