بقلم - الكابتن محمد حمدى
على : أنا حاسس أننا هنعمل نتيجة كويسة مع الحامول،يا صلاح !
صلاح : الحامول كسحت دسوق،يا على !
على : إنت بتقول إيه،يا صلاح ؟!
صلاح : الحامول كسحت دسوق !
على : النتيجة كام،يا صلاح ؟!
صلاح : 4-1،ياعلى !
على : إزاى،يا صلاح ؟!!
صلاح : 3أهداف دخلوا مرمى دسوق،فى 10دقايق !
على : 3أهداف دخلوا فى 10دقايق ؟!
صلاح : فى 10دقايق،يا على !
على : فى الشوط الأول،ولا فى الشوط التانى ؟!
صلاح : فى بداية الشوط التانى !
على : طب هنعمل إيه مع دكرنس يوم الحد ؟!
صلاح : دكرنس بيلعب فى القسم التانى،وهيقوم معانا بالواجب،وخصوصًا أن الماتش على أرضهم؛أهل المنصورة كلهم كرم،يا على !
على : طب إيه كان لازمته الإشتراك فى الكاس،ياصلاح ؟!
صلاح : نتنيل بستين نيلة فى الدورى،وننزل رابعة تانى !
على : يا نهار أسمر !
صلاح : دا أسود،و منيل بستين نيلة،كانت الفلوس اللى إتصرفت على الكاس،إتصرفت على الناشئين أحسن؛حتى كانت فتحت نفسهم،هو وشك مالو،يا على ؟!
على : وشى مالو،يا صلاح ؟!
صلاح : وشك أحمر،يا على !
على : أحمر ؟!
صلاح : بقى أخضر،يا على !
على : هو أحمر،ولا أخضر،يا صلاح ؟!
صلاح : بقى أصفر،يا على !
على : وشى بقى إشارة مرور فى أول ماتشَين؛أومال هيبقى فى أخر الموسم عامل إزاى ؟!
(ملحوظة : تاريخ كتابة تلك القصة،ونشرها على الإنترنت،يوم الجمعة الموافق 19سبتمبر2025م)
☺️☺️☺️⚽️⚽️⚽️☺️☺️☺️