بقلم - محمد حمدى
الكابتن عادل : أومال مين اللى مات،يا جماعة ؟!
سوسو : مفيش حد مات،يا كابتن !
الكابتن عادل : مفيش حد مات إزاى ؛ أومال الصوان ده معمول ؛ علشان مين ؟!
سوزى : نادى دسوق شكله هيستنى فى الرابعة، يا كابتن عادل !
الكابتن عادل : هو إنتوا عاملين صوان وجايبين مُقرئ ؛ علشان كده ؟!
سوسو : أه .
مُعزى : البقاء لله ،يا كابتن !
الكابتن عادل : ونعم بالله ، يا خويا !
سوزى : إحنا طالعين مِن الدور الأول فى المركز التالت !
سوسو : قبريط الأول ب 15 نقطة ، والمنشأة الكبرى التانى ب 12 نقطة ، وإحنا فى المركز التالت مكرر ب 10 نقط !
الكابتن عادل : التالت مُكرر ؟
سوسو : أه ؛ إحنا زى مركز تنمية شباب دسوق فى النقط ، لكن إحنا فى التالت بفرق الأهداف !
سوزى : وسنهور المدينة ،الخامس ،ب 9 نقط !
سوسو : القرى بقى فيها كورة عننا، يا كابتن عادل ! 🥲
الكابتن عادل : تعالى فى حضنى ياختى ،وعيضى ؛ علشان تفكى عن نفسك !
سوزى : هنستنى فى الرابعة 🥲 !
الكابتن عادل : دسوق أم ، والأم بتحب الخير لعيالها !
سوسو : بس دا قبريط تبع فوة ، والمنشأة الكبرى تبع كفرالشيخ !
الكابتن عادل : ما هية دسوق خالتهم ، والخالة زى الأم ! 😄 😄
سوزى : إنت بتهزر،يا كابتن عادل ؟!
مُعزى : شد حيلك ، يا كابتن !
الكابتن عادل : الشدة لله !
سوسو : دا مُش فاضل غير أننا نخش الدورة الرمضانية اللى جية ،ونخسرها !
الكابتن عادل : هتشوفوا النادى فى الدور التانى ؛ بإذن الله هنصعد تالتة !
سوسو : و إنت مالك واثق كده ؟!
سوزى : والله مُش باين أن فيه صعود السنادى ! 🥲
الكابتن عادل : خشوا أقلعوا الأسود الله يخرب بيوتكم فاضحتونا ؛ دا الصوان إتملى ناس ، والشيخ صوته مسمع دسوق كلها !
سوسو : يلا يا سوزى !
الكابتن عادل : صدق الله العظيم ، يا عم الشيخ ؛ يلا مفيش عزى !
الشيخ : صدق الله العظيم !
مُعزى : البقاء لله ، يا كابتن عادل !
الكابتن عادل : يلا يالا مِن هنا ؛ مفيش عزى !
( ملحوظة : تاريخ كتابة تلك القصة ، ونشرها على الإنترنت ، يوم السبت الموافق 21 ديسمبر مِن عام 2024 م )
