طبيب : اسمك إيه؟
ك - عبود : عبود !
طبيب : إنت بتشتكى مِن إيه ،يا عبود ؟
ك- عبود : ظهر فى قفايا جرب، يا دكتور !
طبيب : إنت مُش بتستحمى ولا إيه ، يا عبود ؟!
ك- عبود : بالعكس أنا فى النضافة مليش حل !
طبيب : طب الجرب ده طلعلك مِن إيه ،يا عبود ؟!
ك- عبود : زعلان على حال كُرة القدم فى نادى دسوق السنادى ،يا دكتور !
طبيب : مالها الكرة فى دسوق السنادى يا عبود؛دا أنا بأسمع أن القُرى عندكم فيها فِرق بتلعب فى الدورى ، زى شباس الشُهدا ،وسنهور المدينة ؟!
ك- عبود : إدارة الكورة فى دسوق بطيخ خالص ؛فريق النادى دخل الدورى مِن غير إستعداد،ومركز الشباب عنده ملعب رسمى، وكذا ملعب فرعى، ولسه هيدخل الدورى السنادى ، والمُشكلة الكبيرة أنه مُش مُستعد ،هو كمان، أنا زهقت خالص يا دكتور؛علشان كده طلعلى جرب فى قفايا !
طبيب : كبر دماغك ؛ علشان الجرب نازل على ضهرك ، يا عبود !ك- عبود : أكبر دماغى إزاى ؛ أنا مُشجع ؟!
طبيب : أنا مُش عاوز أقولك : "إن شوية أخبار، وإعلانات على الفيس بوك ، وكام يافتة فى كُل شارع كبير ،وقرية ،فى الميركادو الصيفى ،والشتوى ؛ هيظبطوا قطاع الناشئين بالكامل ، وهتشوف فريق أول مُحترم فى المستقبل "
ك- عبود : ما هو ده اللى أنا عاوزه ، لكن تقول إيه، وتعيد فى إيه ،دا حتى المُدربين هِناك ساكتين على الإهمال ده ،وكُل واحد راضى ب500جنية، أو800جنية اللى بيخدهم كُل شهر ، دا لو خدهم ؛ دا فيه شهور مش بيقبضوا فيها !
طبيب : طالب بالكلام ده يا عبود ،وإن شاء الله هيتنفذ؛أكيد هُم بيحبوا مصلحة الكُرة برضو !
ك- عبود : الله المُستعان !
طبيب : هو إنت بتشجع النادى ، ولا مركز الشباب ؟
ك- عبود : النادى ، لكن أنا عضو بمركز الشباب ، وعاوز الخير لهم ، أنا عاوز الفريقَين يلعبوا فى درجة أعلى ، وعاوز ملاعب الإستاد تكون تحت أمر النادى ،والمركز؛فياريت، تكون ملاعب الإستاد مِن ضُمن الدعم اللى بتقدمة الوزارة لنادى ،ويتعمل جدول للتدريب جميع فِرق الكرة فى النادى، ومركز الشباب، والملاعب تظبط على حِساب الإتنين ، والمُدربين يحبوا بعض ؛ علشان المركب تمشى .
طبيب : ربنا يكتر مِن أمثالك !
ك- عبود : يا رب !
طبيب : إن شاء الله ! بس أنا عاوزك متزعلشى ؛علشان صحتك بالدُنيا يا كابتن عبود .
عبود : هاهاهاها حاضر .
طبيب : مركز دسوق مليان مواهب فى كُرة القدم ، يا كابتن عبود ؛ بس الجماعة اللى عندكم يحبوا بعض ، ويشتغلوا بس !
(ملحوظة : لقد كتبت تلك القصة ، ونشرتها على الإنترنت يوم الأربعاء الموافق 4ديسمبر 2019م )
