يا درامة العمر اللي طوّل حــَـبكتـُـه
فين المفــَر ... !؟
الفيلم خلصت قصته ..و لســّـاك مــُصِـرّ
إن النهاية إتمنتجت ..
عندك أمــل !!
مسكيـــن أووووي
اللي إتقتل كان البـَـطل
وإنت اللي بالغلط إتحاكمت
طب ليه حـَـكمت علي المشاهد بالوجع
كان مين هيقدر يوهمك
إن الدموع تمثيــل وبس
هــُما اللي قدروا يمثــّلوا
وإنت اللي فــِ الأصل إتوجعت
ليه إتخدعت ؟!
مش هوّه دا نفس السيناريو اللي إتكتب .؟
كان مين كتبلك ع الورق إنك برئ ..!؟
أو حتـّي موتك كان بصمت ..!
البحر كان جوّاك غريق
مين اللي قال يا بحر موتّ
ليه المــُشاهد مـُقتنع
إن الدموع في عنيك دي كدب
مين اللي موّت رحمتــُه
قرّب علي دمعة عينيك الكــَدْر ..!؟
مين اللي أقنع خاينتك بالغــَدر ..!؟
منتاش فــِ مسرح
فــَ ماتنتظرش إن الستار ينزل عليك ويصقفوا
كل الشاشات راح تنطفي
ماهو ياما غيرها وإنطفوا بعد إنتهاء الفيلم
فـَـ ماتفتكرش إنك برئ
إنت اللي طيبتك خبـّـتك فـِ قناع عبيط
وإنت اللي كنت :
فاصل إعلاني بسيط
في حياة البنت
ـــــــــــــــــــــ
نــَــص " الفن السّــابع "
أغاريد الجيل الجديد/ شروق نبيل
ساحة النقاش