لألأ.......... لحد هنا.... وستوب

كلنا عارفين ان اسرائيل لن ترتاح ولن تهدأ واحنا بنبنى مصر الحرة ,وكلنا عارفين ان اسرائيل مجندة عشرات الجواسيس فى مصر,وكلنا عارفين ان اسرائيل وامريكا اللى بيحركها اللوبى اليهودى ميقدروش يواجهوا الجيش المصرى لانهم عارفين ان المصريين بيستميتوا للدفاع عن بلدهم وبيوحدهم اى عدو مشترك (قوم ايه)يحاربونا ويدمرونا من الداخل ويعملوا خطة علشان نتحول لسودان جديد لاسمح الله.

انا عارفة ان فى ظلم واقع على المسيحيين اللى عايزين يسلموا ,بس ياجماعة الموضوع كده خلى اسرائيل وجواسسيها يلعبوا بينا ,واللى حصل امبارح فى امبابه اكبر دليل على كده.

خلينا نفكر بالعقل وبالفقه,انا فى الاول كنت متعاطفه مع السلفيين وعارفه ان معاهم حق ,بس دلوقت الموضوع خرج من ايدينا ,ودخل فى امن الوطن وامن بلد مسلمة ممكن تتعرض للتقسيم .

الدين علمنا عدم الاندفاع واننا نفكر قبل اى تصرف,وبعدين اى انسان يدخل الاسلام الآن انا ارجوه ان يكتم اسلامه,او يتحمل هو النتيجة,وهذا لا يعنى تخلينا كمسلمين عنه,ولكن احنا اصلا مش بلد بيحكمه الاسلام والبلد على جمر الان,والذى يحدث الآن.لو فى اى مشكله علينا كمسلمين ان نبلغ الجهات المختصة ونترك لهم التصرف,تماما مثلما يحدث مثلا اذا سرق انسان او قتل هل علينا ان نعاقبه بأنفسنا ام ان نبلغ السلطات وهى تتصرف,والا اصبحت غابة والدولة والحكام هم المسؤلون امام الله.

وسيحاسبنا الله اذا تفرقت الامه بسببنا,اذا كان المسيحيين فى مصر لا يخافون على هذا الوطن ,هم احرار نحن نحب هذا الوطن ونضحى من اجله.

بالامس 7 قتلى واكثر من مائة مصاب ,المسلمة المحتجزة تتقى الله وتكتم اسلامها فى قلبها وقد اباح الله ذلك فى مثل هذه الظروف ,ولا تلعب على وتر قلوب السلفيين الذين يندفعون بدون تعقل ,وانا اصلا اشد ان اللى اتصلت الامس مسلمة واشك انها خطة من عملاء اليهود .

ويا اخوانى المسيحيين ارجوكم اللى عايزة تسلم فى ستين داهية اتبرأو منها وخلاص زى ما اى بنت مسلمة بتهرب من اهلها بيتبرأوا منها ,وكفايه فتن ركزوا فى مستقبل مصر.

وانا رأيى ان الافضل يترك كل واحد يعتقد مايريد ,والاختلاف لا يفسد للود قضية ,يعنى هيحصل ايه لما بنتكم تتجوز مسلم وتبقى علاقتكم طبيعيه زى اى عيله,وكفايه بقا هبل وحقد وغل اول ما يضر هيضركم انتم.

ولكل مصرى انا بقوله طبيعى انه يحصل كل ده بعد الثورة طالما فى ناس مخها تعبان ومبيقدروش المسئوليه,كفايه كلام  عايزين فعل ,مصر لازم تفضل حرة ان شاء الله ولازم نبنيها ان شاء الله واللى مش بيحب مصر ومش مقدر المسئوليه يتكل على الله يروح الخليج ولا يروح فى اى حته احنا مش عايزين غير كل مخلص لمصر,دم الشهداء اللى ماتوا مش لازم يضيع ,واللى بيقول كنا عايشين فى  امان انسان واهم  وجبان ومش فاهم حاجة وبينسى بسرعه.

ياسلفيين انتوا مش اول ناس بتقولوا طاعة ولى الامر؟؟؟ فين الطاعة دلوقت؟؟الجيش هو ولى امرنا دلوقت بالله عليكم اتركوا الامر لاولى الامر وليس عليكم وزر ,وكنا مستنيين الرجوله دى ساعة الثورة ولكن للاسف كثير منكم تخازل ايام الثورة.

واناشد المجلس الاعلى ان ينتبه الى ان الكنيسة اصبحت دوله داخل الدوله ويجب اخضاعها للدوله كما يخضع كل شئ مسلم والا كيف ينادون بها مدنيه وهم اول ناس يعلنون دوله دينية.

لو خضع الجميع للدوله ستحل كل المشاكل وتهدأ النفوس ,وساعتها سيهدأ كل مسلم ويترك الامر للدوله ولن يشغل نفسه بالتدخل.

وكفايه طبطبه على المسيحيين اللى بيجهروا بعلوا الصوت انهم بيستقووا ببلد خارجى ودى خيانة للوطن,يعنى دوله جوا مصر وكمان بتستقوى بدولة تانيه.

نريدها مدنيه على الجميع نريد حرية العقيدة للجميع .