الشاعر / محمد رمضان

** - رباعيات عاشق - **

عاشقك أنا ...
يا أم العيون حلوين .
عاشقك وجوايه ...
ليكي ألف حنين .
ب أصرخ بحبك ...
ضميني ف أحضانك .
يا ساكنة قلبي ...
ومحفورة في الشرايين .
عاشقك يا مصر .
=======
عاشقك أنا ...
وهواكي موالي .
أصل إنتي أهلي ...
عزوتي ... مالي .
و إنتي الصديق الوفي ...
دايما في ترحالي .
أموت فدا ترابك ...
يا أم المقام عالي .
عاشقك يا مصر
=======
عاشقك أنا ...
يا أم الهرم و السد .
أحلف بعهد الله ...
لازم أصون الود .
تلاقيني ف أفراحك ...
تلاقيني ساعة الجد .
و إن دمعة مست عيونك ...
لأمسح بقلبي الخد .
عاشقك يا مصر .
=======
عاشقك أنا ...
ومهما أدوق الويل .
ح أفضل أغني ليك ...
أجمل المواويل .
وأزرع غيطانك هنا ...
وإن طال عليا الليل .
فجرك بيطرح أمل ...
أصل إنتي بنت النيل .
عاشقك يا مصر ...
عاشقك يا مصر ...
عاشقك يا مصر ...

الشاعر / محمد رمضان