(حدوته مصريه )
العقل خلاص اتشل 
مطلوب سريع الحل
 أصدق مين وكدب مين
 مستحيل تكون الحياه 
صبحت بطعم الخل
 
محتار مابين السما 
الي شايفها بتمطر دم 
وبين  برواز ع الحيط
ف مربع مستطيل يحكي
كلام فيه قسوه وذل
مستحيل 
يكون الوجع مكتوب 
ع القلب
او حتي تلميذ راسب
في جدول ضرب
وحياه صبحت سقيانا 
كاسات م الغلب
اظن هتقلي 
أسكت ياواد اتلم 
مش كفايه الكل
ساكت؟؟؟؟
و شايف دموع الأم
 
قلبها بيتقطع
علي موت  الابن والعم
ومسؤل ع الكرسي 
يتمطع ومش مهتم
هي الحياه صبحت  كده؟؟
كل شويه نسمع
عن (حدوته مصريه)
مركب مخطوفه 
أو غرقانه في الميه 
     ذنبها ايه 
صبيه مستنيه الفرحه
لما خطيبها يرجع
وعندها أمل 
لأجل ما تلبس 
توب ابيض مع الطرحه
 
في لحظه جالها الخبر
رجع حبيبها في كفن 
وغراب بيزعق ع الشجر
وقلوب مابترحم 
زي الحجر صابها العفن
دم الغلابه ف رقبة مين
فراق وهجر وأنين
سنين كتير تعبانين 
مسؤلين ساكتين 
 مستمتعين
هو الكرسي دام لمين
ودموع طفل حزين 
 فقد أبوه وأخوه 
بحصره  وشوق وحنين
مع انهم مش راجعين
نفسي يكون ده حلم 
أو حتي من غيبوبه افوق 
هرفع ايديا لربي فوق 
وادعى عليكم  لو هتقطعوني
حتت أو  هموت مشنوق
بقلم .. 
ابن النيل .. الشاعر فرج البراهمي