(صوت الندا)
زي الزرع لنداكى     .
موته فى سكوتك..
زي الورع يا ملاكى    
.. عابد لملكوتك ..
نقطة ندا فى دموعى 
نقطة ندا فى خشوعى
فى عشقى .. فى ضلوعى
فى عطشى وف. جوعى
وضي البرق .. فيه نذير صوتك ..
نقطة ندا .. مهاودانى .. معاندانى
مره .. تروينى تداوينى
ومره لما تعرفنى ترمينى
.. فيها ضعفك .. وجبروتك ..
نقطه ندا .. ساكنه فى سما
.. تطلبها .. محتاجه مليون سنه
بشروطك ..
.. لكن بالدعا .. تلاقيها فى شطوطك..
فى سهاريجك فى بيوتك ..
.. نقطه ندا .. هيا الحياة
من غيرها أوراقك.. تدبل
وتستنى معاد موتك...........