وحشتينى
    .....................
    أغمض عينى وأشوف
    الجمال فيكى
    أفتح تانى مألاقاش
    إللى يرضينى
    أغمض تانى أشوف
    الشوق مالى عنيكى
    أفتح ليه
    مدام شايفك قصاد عينى
    أصل أنا ديما حبيبتي
    دنيتى تحت الجفون
    دنيا فيها من السعاده
    إللى بيفرح سنيني
    دنيا ومكانها خيالى
    أندهك وأقول تعالى
    وتشوفنى عنيكى الجميله
    لو تغمض حتلاقينى
    وتحسى منى الكلام
    وتهيمى فى دنيا الغرام
    والبعاد عنك حرام
    مين فى بعدك حيواسينى
    جيت عشان تفرح عنيه
    جيت وهمى تحسى بيا
    جيت ومادد ليكى إيدي
    مدى إيدك وأحضنيني
    تحت جفنى ليكى رسم
    بأحيا وياه ألف حلم
    وأفتكر فرحة ذمان
    لما كنتى بتدهينى
    لسه فاكر كل دمعة أهه توجع
    لسه فاكر نار فراق فى القلب تلسع
    لسه فاكر لما سال
    دمع عينك ويا عينى
    الفراق كان مستحيل ليه وافقتى
    تهدمى الحلم الجميل ياحبيبتي
    حبنا مش كان جنين
    لاء كيان
    لسه حأعمل إيه عشان
    تانى تجينى وحشتيني 
بقلم .. 
وجدى محمود الشناوي