مين يجيب لى عيون تعيط
م اللى بيحصل واللى حاصل
الدموع فى عنيَّة جِمْدِت
شايفة سوء ف حضن باطل
السما قرفت تمطر
والقتيل بنقول له قاتل
ياه ياعينى وياه ياقلبى
البشر أصبح إله
القمر ضل ف طلوعه
والليل يدوَّر ع اللى تاه
صبر يونس آل عينى
ف بطن حوته بص ياما
للحياة
اهدأى الحر طالع
والجليد هايدوب خلاص
مش جديد ع الدنيا يشمخ
فوق جبينها الارتكاس
والهروب حرباية لونها
زى كاس بيبوس ف كاس
عينى عينى يا الله نبكى
بلاش دموع تهرى ف قلوبنا
الفدا يوم الخلاص
اوعى عينى اللطم حرِّمْ
شق الجيوب برده حرام
نامى واهدى واحلمى
يمكن دموعك تتلاقيها
ف المنام
