وحياة الغربه اللي قاسيتها .. من ظلم هواك
وحياة الدمعه اللي بكيتها .. وانا باترجاك
وحياة الحلم اللي كسرته
وحياة الألم اللى انا عشته
راح تندم وتتمنى أسامحك ... وانا باتحداك
باتحداك .. باتحداك .. باتحداك .. هاتعيشها ودموعك سايله باتحداك ..
باتحداك تنسى أيامي
أو تنسى همسي وكلامي
أو لحظه من عمري قضيتها .. كانت عايشاك
واتحدى كمان كل الدنيا
لو تنسى هوايا ولو ثانيه
أو نظره بشوق كانت مني .. وانا باتمناك
والأيام جايه وشايله
على دنيا كنت راسمهالك .. وكانت عايزاك
باتحداك .. وهاترجعلي
وكبر غرورك يخضعلي
وساعتها هاتلاقي عيوني .. ماهيش فاكراك
وحياة اللي انا قولته ده كله .. انا باتحداك
