كلنا إيد واحده يا خال
شعب وشرطه وجيش
واللى يعدى م الشعب
م الشرطه ما يعديش
واللى يعدى م الشرطه
هايلاقى فى وشه الجيش
كلنا إيد واحده يا خال
شعب وشرطه وجيش
الشعب ف وقت الشده
بيواجه ولا يجريش
وبيضرب بس بحده
مش فارقه معاه إنه يعيش
وبيرسم بكره بدمه
ولا أى دمار بيهمو
يجرى عل الموت ويضمه
علشان بلده تعيش
كلنا إيد واحده ياخال
شعب وشرطه وجيش
الشرطه ولادها ولادنا
كلنا فداء رمل بلادنا
واللى يفكر يبعدنا
هاتدوسه بياده الجيش
كلنا ايد واحده يا خال
الجيش عندنا إلزامى
لا إيجار ولا تمليك
لو مصرى هاتدخل حامى
وتشاور كدا باديك
تكتب على صدرك ميت
وتشهد مصر عليك
إن الموت جوه الستره
ستره وربك يحميك
المصرى تملى بيدى
وإن خد ميخبيش
كلنا إيد واحده ياخال
شعب وشرطه وجيش
