ع السمسمية وع الارغول 

هانغنى وتزيد افراحنا 

لحد اسوان لو رحنا 

نرسم نضالنا وكفاحنا

بسطور دهب يكشفها النور

ع السمسمية وع الارغول

نهتف بمصر ورجالها

ونشد من حالنا وحالها

وبالعزيمة هانجيلها

مافي كسل ولا حتى خمول

ع السمسمية وع الارغول

يارب كتر افراحنا 

حقق امالنا ونجحنا

وانصر قائدنا وفتحنا

واجعل دعانا اليك مقبول 

ع السمسمية وع الارغول

ادى الوفا شيفاه عيونا

ربك يعينك ويعينا

وينصرك ع اللى يخونا

ارهابى كان او مخبول 

ع السمسمية وع الارغول