برا دايريتنا اتنفى
طلع النهار والشمس رامية بضلها
فوق القناة
شريان حياة
والمستحيل عنا رحل
وعيونا بتمد الأمل
زى جناح الطير على رمش
الفضا
والمنتدى مليان بشعرا بأدنوا
أشعار ونور
والشنفرى غربل غثيث الحرف
حور
البحر الاحمر قال لموسى
بالعصا عدى ودور
دا الجور بحور
موجها بيقتل فى الوجود
مجاديف.. عهود
والبشرى نجوى اتعتقت
ف الكاس يا مصر
ورد الجناين باستحمى ف القناة
نشر العبق
واندار بيسحر قلبنا
الكون سبق
واللى يعد عدته
بالطبع راح ياكل النبأ
اهرش ورا
بعبع بيفسد ف القرى
والشعب صاحى والذرا
علمك يا مصر
رفرف بصدر الروح
بنصر
فتح عيون الناس عليكى
واللى اشتاكاكى بينكمش
بالحسرة فيه
خناس على باب المساجد
تتلقيه
ألوانه فجة وانتحاره
بيناديه
الله أكبر تحسره
وتخدره
وتكعبله
فى عب الخنوع
هتفت طيور الحب فينا
لربها سجدت خشوع
العهد سلطة للى حاكم
واللى زاكم
برا دايريتنا اتنفى
أصل الشفا
قلب انفطر
من طفل بدبحه الغبا
وقلوب حجر
مدت سوادها ع البياض
والحيض غياض
وبهية مسئولة الهدى
هجرت بلاد
البوح بيعصر ف الزناد
وقناتنا زاد
كلمنى شكرا لو خلص
منى الكلام
أنا مصر روحى
وقلبى فيها مستهام
