يتعب يشقى
يضحك يبكى
يملى الهم فى كباية
لكن عمره ما يخضع
ولا مرة بيركع
ولا يعمل للفرقة حكاية
الضحكة له صنعة
وشموعه دايما والعة
مفصل للفرح ملاية
قارى تاريخه
مع تواشيحه
شايف وشه
فى كل مراية
فاهم دينه
عاشق ليله
من غير لفة ولا حوداية
عارف ربه
حافظ عرضه
دارس انجيله مع قرأنه
فاتح بابه
شارى احبابه
حاطط دكة
فى السهراية
كتير حاولوا خداعه
لعبوا على اوجاعه
تاهت مراسيهم
وضاعت امانيهم
تكسرت على اقدامه
عارف نفسه
معتز بكبره وذاته
عاشق دينه
مع تعاليمه
ولا يسمع لغراب ولا حداية