السمار دا لونى
بمية النيل غزلونى
اسمر وسمار
الكحل ملون عيونى
اسمر والسمار
دا لون الفرسان
لا ارضى بمذلة
ولا يوم اتهان
.......................
عنتر دا جدى
وابو زيد عمى وخالى
المسك والعود
ورثت اللون عنهم
والطيب راس مالى
لا ليا فى الكيد
ولا فى مرة اخون حالى
الصدق ليا ملة
والشرف رسالتى وعنوانى
طيبتى زايدة على الحد
والصراحة نهجى وبيانى
لكن فوت الحق عار
عشانه اموت من قدام
للاحبة شجرة مضلة
وللاهل شيخ ويا امام
شايل روحى على كفى
ومؤمن بقدر الرحمن
لنيل المنى وورود المنايا
ليا فى الامانة كام فدان
والحب طريقى
ما عنه فاصل ولا حودان
والاصول زارع ورودها فى بساتينى
