كان يا ما كان فى زمن من الازمان ومكان من الاماكن من مدن الاحلام كان يعيش اسرة صغيرة فيها بنت آية من آيات الجمال وولد من أشجع الولدان بابهم ومامتهم مفيش زى كدة كمان البنت الجميلة و اسمها أميرة والولد شجاع لكن اسمة فارس البنت شاطرة وبتحب كل الناس وفى مقابل ذلك كل الناس بيحبوها والولد شجاع و شجاعتة فى الخيروللخير وعشان الدنيا مش كلها خير فيها شر كمان وناس اشراركمان سمع عن أميرة وفارس ساحرة شريرة مخيفة من كتر شرها شكلها وحش عشان قلبها أسود ؛ قالت انا هورى ان الشر هو اللى هينتصر على الخيروعشان أميرة بنت جميلة كل اللى يشوفها يقول يا سلام تبارك الله فى ما خلق والشريرة من كتر الغيرة والحسد والحقد من أميرة قالت لازم اذهب جمال أميرة وأخلى كل يشوفها ميحبهش فكرت ودبرت ولانها شريرة قالت أميرة لازم تحب واللى تحبة يخونها ويذلها وبكدة تتعب نفسيتها ويذبل جمال أميرة معا فكرت تانى قالت مين ممكن يعمل كدة مع أميرة من ممكن تجيلة فرصة يحب أميرة ويخونها ويذلها قالت اكيد هلقى الشخص اللى انا عايزة وفعلا راحت لشخص تعرف عنة سوء السمعة والاخلاق كل الناس قالت هو دة الشخص اللى انا عايزة وراحت لشخص دة وقالتلة انا عايزك تخلى اميرة تحبك وبعدين تخونها وتذلها فكر وقال كل دة هعملة لية وعشان مين قالتلة عشانى انا قالها بكم ياترى قالتلة اللى انت عايزة هتخدة اتفقوا على كل شى اتفقوا على دمار الخير وقالتلة ازى هيقبل أميرة ويمثل عليها الطيبة والحب وفى يوم من الايام أميرة كانت ماشية فى الحديقة بتاعت بيتهم دخل خلسة عابد وراح ورا أميرة كلمها اول ما شفها قال يا سلام تبارك الله فى ما خلق انا سمعت عنك كتير وعن جمالك أكتر لكن عمرى ما كنت اتصور ان فى بشر جميل كدة انتى اكيد ملاك بالاشك وأميرة عشان رغم أنها جميلة عمرما سمعت حد بيقولها الكلام الحلو دة ابتسمت ابتسامة رقيقة جدا رد هو وقالها شوفتى اللى ياكد أنك ملاك الضحكة الحلوة والعذبة دى انت الجمال اتخلق عشانك ، وهى لسة هتساله اسمك اية سكن فين اية اللى جابك هنا هو راح قطف وردة جميلة بديعة وقالها الوردة دى أكيد هتغير منك لانك أجمل منها وهى كانت فاكرة انها أجمل شى ضحكت تانى ، قالها سلام بدون انتظار للسلام ، جرى بسرعة واختفى وعشان دة اللى الشريرة عايزة انها تشغل بال أميرة وفعلا أميرة قعدت تفكر يا ترى اسمة اية ياترى هقبلة تانى وهقبلة فين ياترى هو اصلا جية هنا عشان اية هومين وسكن فين وابتدت تفكر فية وابتدت كل يوم تطلع الحديقة وتقول انفسها ممكن اقبلة زى المرة اللى فاتت وتقعد تستنة استنت يوم ورا يوم لحد ما فات اسبوع كامل وهى قعدة تستنة وفى يوم من اول ايام الاسبوع الجديد جية تانى بس المرة دى كنت هى منتظرة بلهفة وشوق وفرحت ومن كتر الفرح كانت حسة انها هتطيروهو قعد يحكى معها و يقولها كلام معسول كدب فى كدب لهو حاسس بالكلام ولا بيها ومشى زى المرة اللى فاتت لكن بفرق كبير وهو انة المرة دى اتفقوا هم الاتنين يقابلوا بعض كل يوم بعد العصر فى الحديقة عند شجرة التفاح البعيدة وكل يوم بقوا يتقابلوا لغيت ماعدا يجى شهرين وهى سعيدة كل السعادة ولم ماما تسال أميرة  أنتى بتروحى فين بعد العصر كل يوم.  أميرة ترد وتقول ابدا يا ماما انا بقعد فى الحديقة. تسال ماما أميرة فى حاجة عايزة تقوليها يا أميرة ترد أميرة وتقول ابدا والله يا ماما أميرة كانت حاسة انة دة حلمها لوحدها ومن حقها هى لوحدها عشان كنت مش بتحكى لماما عن قصة شجرة التفاح البعيدة وعد كمان شهرين وفى اخر يوم من الشهرين دول صارحها بكل حاجة  وقالها انا مش بحبك ولا عمرى حبيتك. قالتلوا اميرة ازى كدة انت مش قولت انى ان اول حب ليك واجمل شى انى اكون ليك.قالها انا كنت بخدعك وبتضحك عليكى سلام متنتظرنيش تانى لانى مش هاجى أميرة جريت على البيت وراحت فى حضن ماما وقعدت تبكى لحد ماغمى عليها وعشان هى رقيقة زى الوردة اى شى يجرحها وعشان مش تعرف غير الخير والحب افتكرت كل الدنيا خير ومفيهش شر بابا راح وجيب الطبيب الطبيب قال أميرة عندها انهيار لان فى حاجة فقدتها عزيزة عليها بابا قعد يسال ماما  ماما قالت لبابا مش عارفة أميرة كانت المدة اللى فاتت سعيدة جدا ولم كنت بسالها كانت بتقول مفيش حاجة يا ماما بابا قعد يفكر ما وصلش لحاجة المهم أميرة ضعفت من كتر عدم الاكل والشرب وانتشر الخبر فى المدينة وسمعت الشريرة قلبها زغردت وقالت اهو كدة أميرة مش احلى منى بالعكس انا احلى  من اميرة وكل يوم أميرة ينتشر خبر مرضها وفى الوقت دة كان عابد قعد بيفكر فى أميرة لانة كان حبها حقيقى راح للشريرة وخد منها الفلوس اللى اتفقوا عليها عطيتة الفلوس وهى فرحانة وهو خد الفلوس ووزعها على الفقراء وقال ابقا انا السبب فى مرض وتعستة المخلوقة الوحيدة اللى حبيتها بجد لا مش ممكن دة يكون انا لازم اروح ازور أميرة وأطلب سامحتها لانى انا حبيتها بجد راح عند بيت أميرة  وحكى الحكاية بصدق وامانة لبابا وماما أميرة بكل التفاصيل صغيرة كانت او كبيرة بابا زعل جدا وماما كمان من عابد بس قاللوا ادخل يمكن تقدر تخليها تتكلم دخل عابد على أميرة أميرة ذهلت واندهشت بس ودتة وجهها الناحية التانية وراح قبل ايدها وقالها أميرة انا بحبك وهحبك طول عمرى مادمت على وجة الارض حتى لو انتى مسمحتنيش وهحكليك الحكاية كلها حكى لاميرة كل الحكاية وهى بصت فى عينية قالها والله يا أميرة هى دى كل الحكاية قالتة وعمرك ماحبك هيقل لية قالها عمر حبك ممكن يقل فى يوم  ياأميرة سمعت هذا الكلام لان قلبها طيب سامحتة ولان حست انه صادق ولانه هو فعلا كان صادق.بابا وماما وفارس فرحوا بشفاء أميرة. وأميرة خفت ورجعت احلى ما كانت بكتير وتم تزويج عابد وأميرة وخلفوا أمراء وأميرات حلوين وطيبين وعابد بقا اسم على ماسمى ، ام الشريرة فغتظت أكتر والشر والحقد والحسد ملؤا قلبها لدرجة مفزعة واللى يشوفها يقول سلاما من قول رب الرحيم وغير كدة محدش بيحبها  سبحان الله زى ما يكونوا عارفين اللى فى قلبها بس المهم انها قعدة تاكل فى نفسها وبدل ما كانت فرحانة وفاكرة الشر انتصر على الخير اهو الخير هو اللى فاز فى النهاية 

                                                                                                                                                                  السبت 2011/9/3                                                         الساعة 6:35صباحا