مجلة سهر الليالي ** الأمل المنشود ** بقلم الشاعر / عبيد رياض** اسرة التحرير / علي جلال

********الأمل المنشود*******
الأمل المنشود لسه غايب
و الطريق مليان حبايب
و اللي كاتبه ربي صاير و غالب
يبقي ليه نلوم و ن عاتب
هي......
القلب ماهو بالايد 
والوجع كل يوم بيزيد
نحب وهما ولا حاسين
نقول الاه سنين وسنين
نقول يمكن يزورنا الفرح
اتارى حبيبنا بحر مليان ملح
لا عارف مين اللى بيحبه
وبايده بيدبح قلبى دبح
هو.........
الحب لسه أوانه مجاش
الحب لحظة ما عشتهاش
و اللي بتحبه شكل قلبه ما حبكاش
يبقي حاول تعيش حياتك
و فكري في نفسك و ذاتك
هى.........
ادعى ليا المولى يهون 
الم ما راضى يفارق 
كل ما اقول هكون قوية 
اشوف نفسى زى ورقة
بتطير لما الهوا يعدى
نفسى انسى وما يبقى فارق
نفسى اشوف قلبى سعيد
هو...........
انتي قادره على كل حاجه
بس انتي عيشاها ب سذاجة
هي......
والله حاولت كتير كتير
بس الجرح جوة قلبى كبير
بدعى ربى لغيره اكون 
ولا اشوف نفسى عليه كدة بهون
هو.........
جرح ايه بس يا بنتي
في الحياة لسه ما شوفتي
الحياه فيها الكثير
فيها اللي قلبه طيب و قلبه كبير
فيها اللي غادر و الي ماكر
و اللي فاكر القلوب تذاكر
ربنا يهون عليكي
و ادعي ربنا يهديكي
لقلب طيب يخاف عليكي
قلب عمره ما يعرف يخون
قلب حبه ليكي صادق
و لا لحظة عنك يفارق
يا رب يكون حنون
********الأمل المنشود*******
بقلمي / عبيد رياض ( عبيد آل حريقه )
9/7/2015