***جُنَّةٌ للجَنَةِ ...الصِيام****
***********
قال خير البشر
من للخير نشر
كلمتين حلوين
العدد اتنين
والمعانى بالملايين
الصيام جُنّة
والجُنّة باب للجنة
صيامك يصون جسمك
بالمادة والمعنى
عنيك للحرام متنظرش
وزوغانها يثبت مايفرش
غض البصر صفة الكرام
الكل بيه يعيش فى سلام
الجُنّة تخلى ودانك
تسمع للخير كلامك
والتجسس يبقى خصامك
نجم الخبص يغور
والفتان مخمور
مفضوح ومش مستور
صيامك يقطع الفتنه بساطور
ويقعد الخير والزبد يفور
وايدك للخير تتحرك
تجمع ومش هتفرق
متضربش ولا تأذينا
تخد منا وتدينا
ترفعنا فوق وتعلينا
وقلبك بالخير ينبض
والحقد منه بعيد
ميدخلش ولا ليه مواعيد
الحقد عدو مريد
راحة القلب تخليك سعيد
وفى الخير تزيد وتزيد
جُنة لبطنك متكلش حرام
أكل الحرام فرام
هو والحلال فى صدام
الصيام منه يصونك
ومتخنش اللى هيخونك
ورجلك مترحش لبار
ولا خمارة ولا قمار
صيانه من ربك لكل بار
الجسم كله بالصوم محفوظ
أنت الكسبا ن انت المحظوظ
من كل سوء محروس
بحفظ الله الحفيظ
جُنّة للفرج وجاء
وحصن له جاء
وحفظ الفرج رجاء
من الصوم فاء
الصوم إعمار للأبدانة
وفرض ربك صحة وأمان
الجسم تزيد مناعته
وبذر الخير ذرعته
وكل شر ودعته
