**الريان .. وظمأ الصوام****
الصايم يمكن عطشان
وعطشه باب لأمان
عطشان ناشف ريقه
بيصنع للجنة طريقه
الميه زى اللؤلؤ فى عينيه
لما يشفها ترقص حواليه
كأن حبيبه ينده ليه
كل العطش ما كان شديد
حسناتك تكتر وتزيد
ويقربلك البعيد
وأقربها الفرحة يوم العيد
جعل ربك للجنة باب
ووجعل عليه حجاب
مكتوب عليه للصائمين ادخلوه
باب الريان
فيه الأحسان
والخير للأنسان
صايم ظمأن
وتانى جوعان
دخلو من باب الريان
طافت عليهم بالطعام الولدان
هم ضيوف الرحمن
خير من يكرم الضيفان
بعطش احس الدنيا ضاقت
ونفسى لكل حاجة اشتاقت
الشهوة نامت
والروح قامت
وبعد الفطار فاقت
واللى م يربط شهوته ساقت
نفسه للسوء بائت
ربك علمك قيدها
وبالصيام قيدها
عن معاصيها وشهواتها
درس لليفهم المعنى
وذو اللب يفهم ويسمعنى
وكل لغات لها معنى
ده صوت العقل مش مغنى
والجاهل يصم أذنه ويستغنى
واللى يستغنى ربى أغنى
د\ محمد حسن
