****مَحْلاهَا سَاعَةُ الصُبحِية****

ساعة الصبحية
ساعة فيها صورة
حلوة وخيالية
الطير يفر من الأغصان
لحد مـ يرجع للأحضان
شوف الناس فى الشوارع المصرية
فى البدرية ساعة الصبحية
ونسمة على الوجوه معدية
وأم كلثوم فى الراديو مغنية

صباح الخير يااللى معنا
لبكروان غنى وصحانا
والشيخ رفعت بالقرأن
قرائته للنفوس مغذية
والناس رايحة وظايفه
الستات والشباب
وحب رايح يزور الأحباب
و تعبان طول الليل رايح لمداوى
والقهاوى ترص كراسى
وحبك يا بلادى على راسى
وربك يتوب على العاصى
ويقرب لينا البعيد والقاصى
وواحد يخبط فى الناس
ماشى من غير احساس
ووالبياعين فرشه فى الشوارع
كل واحد لمكانه مسارع
والفلاح فى غيطه زارع
وفرن العيش بالنار والع
والراجل بتاع الخضار حولين فرشه لف ودار
عايز يبيع بالقنطار
ومحلات الفول والطعمية
يامحلا صوت الطاسة العالية
والزيت الحار وأسعاره الغاليه
والناس فى الصبحية
عليه صفوف
الكل عايز يفطر بالقرص الملفوف
وكلاكسات العربيات المستعجلة
طير يا طير فوق الريح
ورزقك عمره ماحيروح
وريح الورد فى الجناين يفوح
سيارة رايحة وتانية جاية
وناس فى المحطة من واحد لمية
والعيون تايه على رقم الأتوبيس والعربية
فيهم المدامات والأفنديه
والفلاحة ام جلابية
والشمس بتشرق فى القزاز
وعربيات مزحومة على الجاز
وكام واحد شايل أنابيب الغاز
يجرى بيها زى الباز
وبتاع البليلة الناس طلباها
ياكلوا منها ويا محلاها
ساعة الصبحية ساعة مصرية
والقلب ينبض والحركة مستخبية
بص فى وُشوش الناس فى الشوارع
الحزين والفرحان
المرتاح والطفشان
اللى بيفكر فى عياله
واللى بندم فى حاله
واللى رايح لخاله
كل واحد فى مواله
الحركة متغيرة
والنغمة سريعة
الأحوال مختلفة
والصورة بديعة

د\محمد حسن 16\6\2015