جمع المادة وصنفها / عبد الوهاب حنفى
من الراوى الفنان / عبد الله ورد - موط - الواحات الداخلة - مصر
عبدالله ورد هو اهم نجوم حلقات السامر منذ حوالى خمسين سنة مضت فى الواحات الداخلة ممن هم على قيد الحياه حاليا فقد كان يحترف العزف على الزمارة وغناء وآداء الموال والاغنية الشعبية وبعد التوارى النسبى لاحتفاليات السامر من افراح المنطقة تحول الى المشاركة فى فعاليات الحضرة الاسبوعية .، ويتميز عبدالله ورد بذاكرة حديدية لازالت تحتفظ بكم هائل من المواويل ( الادوار ) التى كانت تؤدى فى احتفالات الافراح منذ زمن بعيد بالاضافة الى حفظ ادوار الحضرة والمديح التى يمارسها حاليا ... جمال وزايد محاسن بس ناقص عقل من كتر شرب الخمور حيفضل تايه وسكران لم ينعدل له عقل ليه جوز عيون سود يشبه لحرب الضنايا تنقل برجلك نقل اصل الجدع غندرة بيحب وسع العقل وان لفت لحبيبك ورجعت له تانى يبقر عدم راى منك وقلة عقل حاخطى عالقدم كل المحاسن فيه والصايغ اسمه حسن صنع جميع ما فيه هات القلم والدوا واكتب على اللى فيه عالعاشق اللى انكوى واحتار طبيبى واحتارت كل الاطبا فيه وقالت العين حبيبنا ربنا يشفيه راح ينزل السوق ويخطر مثل عاداته جمل المحامل برك شمت الاعادى فيه يابو عيون سود وخدود حمر اه منك بقك يقطر عسل ياجميل بل القميص منك قلبى يحبك يريدك وعينى تستحى منك لوجيت بالوصل ياجميل يبقى جبا منك ما جتش بالوصل نشكيله ربنا يوم القيامة يخلص حقنا منك دخلت بستان حبيبى لقيت غزال زين حلو فارش ونايم فيه ومبين الدوك الاخضر انا اللى اغطيه قاللى لانت ابن عمى ولا انت شريكى فيه وسحبت سيف المحبة اضربه ارميه رمش بعينه رمانى قبل ما ارميه ماحدش قال اه الا من وجع جه فيه عليل وسقيم وسنار الغرام جه فيه صبحية العيد بنغير ونلبس كلنا جوخ فيه عندى غزال زين موافينى وانا موافيه واللى معاه جرح بينات العدو يخفيه ربى رزقنى بعزول دخل بيناتنا فتنة نشكى نقول ايه دود المش منه فيه لو غبت ياحلو لنجيب مطرحك مملوك ابيض من القطن وتراب العدل مملوك ياللى خدوك العوازل طمعوك وملوك مص القصب حلو بس ياخسارة فى الاخرة يرموه اوعى تروح بيت الفرح من قبل ما يدعوك يابو قميص يابيضانى فى التراب مدعوك ما تشوف عينك الحلوة ياخسارة من كتر البكا وجعوك قسيت وانتهيت والوقت ربانى وتعبت ويا الزمان والفكر علمنى وربانى ده كنت راجل وصاحب اسم فى بلدنا احل واربط فى كل مكان على كيفى احل واربط وما اعملش لحد حساب انا لى اصحاب يخشونى بكل حساب ضيعت مالى على المايلين من جهلى مشيت فى كل الطرق وتعبت من جهلى وخالفت اهلى اطلع من الطريق العوج الكل من جهلى انا باحسب الوقت اصيل على طول ويايا طلع الوقت صعب عمل فصولات ويايا انا باحسب الوقت على طول الدواه عاقل قاللى اصحى دى نوادر الوقت وحشة بتضيع العاقل واحتار دليلى مع الايام وانا عاقل ومشيت فى كل الطرق وتعبت من جهلى لوكان لك صاحب وسابك اعتبره كانه مات واترك سبيله وما تندمش عاللى فات ده الصقر فى الجو قوة وله همات بيصوم عن الزاد ما ينزلش على رمات عجبى على جمل بارك على النعناع ياكل عليقه وهو بارك على النعناع وان كان الولد المغناوى بيغنى وحسه فى الهوا سماع يا يجيب لى غطا الدور ياخلى الجمل ينباع حوش الغنم عن اكل الجمل اكل الغنم ده عيب لو كان جمل فى جمل يبق اكل الغنم مش عيب وخدت من الحبايب ياخسارة ولا اختشيت مالعيب هالبت ياسبع بيت عندما حكمت يامال ياللى على اولاد الملوك حكمت اوعى تقصد الندل على حاجة ولو حكمت واقصد جدع زين مقصود من الجدين اوعى تقصد راجل على دقن المرة حكمت للمزيد راجع موقعنا ( عيون المشربية ) على الموقع التالى
http://egyptfolk.blogspot.com/2010_11_06_archive.html
ساحة النقاش