جارى التحميل
استخدم زر ESC أو رجوع للعودة
فى حب مصر :
إلى مصر .. وكل من عشقها .. وأحبها ..
إلى الحاقدين .. وكل من يحاول أن يكسر قلبها ..!!
هذه هى قصيدتى التاسعة : ..... ولاحاجة شاغلة قلبى ..!!
9 - ولاحاجة شاغلة قلبى ..!!
ولاحاجة شاغلة قلبى .. ولاحاجة شاغلة عقلى ..
إلا أنتى يامصر .. !! .. أنتى روحى وأملى ..!!
أنا نفسى اهد فيكى .. بس عشان أبنيكى ..
مش أهد للخراب ..
أنا نفسى أزرع فيكى .. عشان تخضر عنيكى ..
وتنورى بشباب ..
أنا نفسى أعّلى أسمك .. والناس تهتف بأسمك ..
ويوصل للسحاب ..
ولاحاجة شاغلة قلبى .. ولاحاجة شاغلة عقلى ..
إلا أنتى يامصر ...!!
********
بأبص ف عين ولادى .. بأشوفك يا حبيبتى ..
بأبص ف عين صحابى .. بأشوفك يا حبيبتى ..
لما بأخد نفس .. بأشمك ياحبيبتى ..
لما قلبى يدق .. بأحسك ياحبيبتى ..
أنتى روحى وذاتى .. ياأحلى ماف حياتى ..
من تربتك ميلادى .. وف حضنها مماتى ..
ولاحاجة شاغلة قلبى .. ولاحاجة شاغلة عقلى ..
إلا أنتى يامصر ...!!
*********
مهما يقول الزمن .. مهما تقول المحن ..
والكل يجرح فيكى .. ويزيد حمل الشجن ..
أنا ليكى وأنتى ليهّ .. نتحمل الأسية ..
ونصبر بعضنا ... ماتهزنا بلية .....
أحنا الجبل وشموخه .. أحنا ميزان الدنيا ..
أحنا الحضارة الماضية .. أحنا الحضارة الجاية ..
سامعانى يادنيا .. حسانى يادنيا .....
ولاحاجة شاغلة قلبى .. ولاحاجة شاغلة عقلى ..
إلا أنتى يامصر ...!!
د. محسن الشرقاوى
ومازال للحب بقية ..!!
ومازال للشعر بقية ..!!
