انا عارف فى غيابى انى اتنسيت

والله يا بلادى ندمان انى يوم ليكى حبيت

عملت ايه علشان كده وفى ايه انا اخطيت

ليه النسيان يكون بسرعه كده ايه انا سويت

لو كان ده رد الجميل تشكرى وليكى حق

تحاسبينى تلومينى لو يوم ليكى جيت


ابقى اطردينى لو يوم قدام بابك انا عديت


انتى ليه دايما تظلمى احبابك ياما منك قسيت


مش كفايه عذابنا فى بعادك الاقينى كمان اتنسيت


وفينهم هما اصحابى اللى كانو عاملين انهم احبابى


لنسيانهم ليا والله ما يوم ظنيت


بعت ىنفسى واتغربت عشمان ارجع


فى يوم للاهل للاحباب والارض والبيت


لا شفت اهل ولا احباب وكانى


على الهوا وفى الخيال للبيت بنيت


بعد ما كنت الفارس الخيال دلوقتى اتسليت


بعد ما كنت كيف الجبال للظلم انا اتصديت


ولا يوم على صاحب او جار او حبيب انا اتعديت


والله يا بلادى مافى شيء يربطنى تانى بيكى


لا حبيب ولا صاحب الكل باعونى وباعوكى


انا مش ندمان ولا زعلان بس مستغرب على الزمان


الكل يشوفك تبص لك الف عين


ما تعرف صوت الضحكه جاى منين ولا منين


تغيب تلاقى الوشوش غير الوشوش


الناس ما بيختشوش الكل باعوك ولا اشتروش


واللى اشترى ذكراك واخر ماليك


كنت فاكره صاحبك منك وليك


اتريه قاصد يهدك ويمسح من الدنيا اسمك


بس انا مهما اتنسيت بكره تتمنو ارجع لكم


وازرع من تانى وسطكم نخله وابنى بيت


عايزين تانى تعيشو فى ضلى وانا اللى من الخيانه قسيت..


كلمات من اعماق القلب ...الفرعون العاشق


 حسام الحاوى