({ العِشق ولاَّ الخوف }) شِعر / أحمد وهبى .
.******************************.

أعــدائك بين حبايبك فرَّق بينهُم وشـوف

مين إللى حرَّك قلبك الــعِشق ولاَّ الخوف

لازم تُحكُم أمورك دا حـــبيبك مين يصونك

وعدوك مين يخونك ماتسيبهاش للظروف

وخاف إللى يخونك وإن قالَّك يوم هـاصونك

أوعى تخالف ظنونك وتكون ويَّـــاه عطـوف

والوعد يكون أمــــانة والكلمة والإبتسامـة

دا جفاك هايكون مهانة لو حتى بالكسـوف

داأنت وعِشقك حكاية أجمل بـداية ونـهاية

وإسمك فى عيونى آية معناة كُل الـحروف

وإن غِــبت ولو ثوانى لازم تـــرجع لى تانى

وحــياة قلبك عــشانى وقــدَّر حُبى بألوف

أعــدائك بين حـــبايبك فرَّق بينهُم وشوف

مين إللى حرَّك قــلبك الــعِشق ولا الخُوف