يا قالبي مالك فتحت
بدأت تعشق من جديد 
ليه نسيت لما انجرحت
ديماً كده مغرور عنيد 

و قولت لي فات اللي فات 
و الذكريات هـتبقى ماتت 
يا قلبي كل الحب مات 
و انت من سنين ساكت 

ايه فوقك الليله ديه 
قايم و نايم تقولي هوا
دا تاني جرح تجيبه ليه 
ليه تسكنه يا قلبي جوا 

ارجوك بقى حس بنزيفك 
ماعدش فيك مكان جراح 
ده مش ربيعك ده خريف
و لا راح ينسينا ما راح 

افهم بقى دا الوحده حلوه 
و الذكرى اغلى م الغرام 
و عيش معايه جوه خلوه 
هنعيش كرام و نموت كرام 

يا قلبي افرد لي قلوعك 
البحر هايج من دموعي 
ان نويت في يوم رجوعك 
هاخلعك من بين ضلوعي 

ارفض بقى دا الحب كدبه 
و ياما صدقنا زمان 
دا م البداية نهاية صعبه 
محسوب لها وقت ومكان 

الشاعر وليد عبد الحميد