يا ناس راح ولدي مني غدا وضاع
والعقل عقب ولدي تايه وضايع
اقفى وانا وقت الضحى حزت اقداع
كنا على القهوة نقول الروايع
لو انصدم كان الخبر يا ملا شاع
تفز له العالم لو هي هجايع
وما اظن شاله من على الباب طماع
قصده يدور من وراه الطمايع
عمره ثلاث سنين ماهوب رضاع
ما اظنه اقفى يا مخاليق ضايع
اشوفه اليا نام نومه على ذراع
ويفز من نومه لا صحت فايع
واسمع بكاه اليا اصغيت بالاسماع
واحس به لما ضمى وصار جايع
بالحلم اشوفه يأشر لي بالاصباع
يصيح يبي امه تجيه بفزايع
لو رجعتك يا ياولدي تشرى وتنباع
لاشريك مهما كثروا بك طمايع
يا ولدي انا كثرت همومي والاوجاع
في كل لحظاتي تزيد الفجايع
يا رب ترحم طفل يمشي على القاع
وارحم فؤاد ام لها طفل ضايع
هذي حقيقة يا ملا ما هي ابداع
قصة ضياع ولدي حلو الطبايع
لا اله الا الله محمد رسول الله
نشرت فى 29 أكتوبر 2012
بواسطة qw7412
عدد زيارات الموقع
44,307