دردشة حقلية عن بعض المواقف للكوكسيديا
تقريبا لم نذكرها من قبل
اللى فى الصور 3 انواع من الكوكسيديا
ماكسيميا
تينيللا
نيكاتريكس
طبعا لسة فية 6 انواع 
بس كفاية دول لانهم منتشرين او واخدين كل مناطق الامعاء 
فالماكسيميا نتسيب الجزء العلوى من الامعاء
بتعمل سماكة فى بطانة القناة الهضمية واحيانا بتكون غشاء فيبرينى تنكرزى مبطن للمنطقة المصابة
لاكن اهم ما يميز النوع دا من الكوكسيديا حقليا انة مش بيعمل اسهال مدمم
لية
لان دايما اصابتة فى الجزء الاعلى من القناة الهضمية الى الجزء الاوسط بس من فوق شوية وعلى ما ينزل خارج الجسم بيختلط بمكونات الامعاء المختلفة فبيخف لون الدم الى لون افتح شوية هتلاقى الاسهال البنى او الفاتح مميز للنوع دا من الكوكسيديا
النوع دا من الكوكسيديا بيظهر فى حالات حقلية فى البياض انة بيزرق العرف ووبيرفع النافق من تانى يوم الاصابة وبينزل الانتاج ودا اللى بيخلى المختصين يشخصوة على انة انفلونزا او نيوكاسل
لاكن لو كشفنا عن الاؤؤسيست هنلاقية ولو نزلنا جرعة اى تولترازوريل كويس هتلاقى الاعراض خفت والانتاج رجع يعلى تدريجى

اما التينيللا
فبيسموة القاتل السريع 
وتقريبا الكل عارفة ودا انصحك متضيعش وقتك معاة وانزل بالداى كلاروزوريل مع امبرول مع فيتامين ك فى نفس الوقت جرعة مضاعفة لمدة 8 ساعات ليومين ورا بعض
ودا مميز جدا انة بيجيب دم صافى لانة بيصيب الاعورين ودا اقرب مكان للاخراج

النوع الثالث 
دا بيجيب دا (النيكاتريكس ) النوع الوحيد اللى بيجيب دا داخل القناة الهضمية فى المنطقة الوسطى وبردة بيجيب نقط او تنكرزات مدوية على السطح من الخارج ودا مميز جدا للنوع دا
واحلى حاجة فية ان السلفا بتجيب نتيجة سريعة معاة

تعالى لملحوظة حقلية تكررت كثيرا عن كل انوع الكوكسيديا
الا وهى
رفع النافق بعد علاج الكوكسيديا واختفاء الاعراض
يعنى عالجنا والنافق وقف والاعراض من كشة واسهالات خفت واستهلاك العلف بدا يرفع تانى 
لاكن بعد مرور تقريبا 2 الى 3 ايام يزيد النافق تانى 
بيكون السبب ودا شفناة حقلية فى كتير من الحالات 
اما كولستريديا
او
استافيلوكوكس
والاتنين حساسين للاموكسى واللينكو 
يعنى لو النافق رفع بعد علاج الكوكسيديا بيومين وانت مغم انزل بجرعة اموكسى او لينكو فى المية 
لو انت من هواة علاج الكوكسيديا والكولستريا مع بعض فى نفس اليوم والنافق رفع معاك بعد انتهاء المشكلة 
فغير دواء الكولستريا او انزل بلينكو يلم المشكلتين مع بعض افضل

ملحوظة اخير احذر ان قطيعك يوصل لمرحلة الكمشان اللى فى الصورة دى لان وقتها هتكون ضيعت التحويل وفقدت كتير من العلف اللى الطير اكلة قبل الحالة
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم

  • Currently 0/5 Stars.
  • 1 2 3 4 5
0 تصويتات / 222 مشاهدة
نشرت فى 14 إبريل 2015 بواسطة poultryscience

ساحة النقاش

Abohemeed Aly

poultryscience
_تابعونا على : http://www.veterinarysci.blogspot.com/ »

ابحث

تسجيل الدخول

عدد زيارات الموقع

1,004,880