عيون بورسعيد|| بالفيديو - #المصاب عمرو الذي اسقط #بجانبه اكثر من #شهيد ومصاب اثناء #بسالتهم في محاولات انقاذه #يوم احداث #السجن يواصل اضرابه عن الطعام لليوم #السادس ويصر اطالب بلقاء المحافظ ورئيس #الجمهورية " مش معني ان بتهم الداخلية تبقي كلها #وحشة ولكن انا عاوز حقي من اللي #ضربني ومارحمش #مرضي علي كرسي #متحرك "
نذكركم بلقطات حية اثناء ضرب عمرو بالرصاص من محيط السجن وما يتطابق مع شهادته امام المحكمة من خلال هذا الفيديو
كتبت / رانيا السادات
عدسة مني ابو الحسن
اعداد / امال ابراهيم
رابطة صفحات ومواقع بورسعيد"عيون بورسعيد"
بدأ عمرو ابراهيم احد مصابي احداث سجن بورسعيد والمعروف اعلاميا انه مصاب في الاحداث بالرغم من اصابته الاساسية وظروف الصحية كجليس علي كرسي متحرك يروي , انتظرت هذا اليوم بفارغ الصبر اليوم الذي ساقسم فيه بشهادتي امام المحكمة انني رايت بعيني من رماني بوابل من الرصاص" وان داخلية السجن هي اللي كانت بتضربنا بالنار لا المتهمين ولا الاهالي "
كنت ارسم امل 3 اعوام انني بعد الشهادة ساحصل علي حقي وينصفني القضاء ويعتبرونا مصابين وشهداء ثورة وساواصل اضرابي عن الطعام حتي مقابلة محافظ بورسعيد ورئيس الجمهورية " لحد ماييجي اليوم اللي يشعروا بمعاناة بورسعيد واهلها "
وتابع " شهداء الاهلي من تاني يوم اعتبروهم شهداء ومصابين ثورة احنا اضربنا بالنار ومفيش حد شايفنا من سنتين انا مضرب عن الطعام واصر علي عدم فك الاضراب وبلغت القاضي وانا في الجلسة وعرفتوا ان انا مضرب "
"في حاجة غريبة في القضية دي في اكتر من ان المصاب بنفسه بيقول ان مش ها دول اللي ضربني والداخلية الي ضرباني انا شوفت اللي ضربني شفته بعيني واقسمت وشهدت في المحكمة ومش معني كده ان الداخلية كلها وحشة ولا الداخلية كلها كويسة والرئيس يعلم هذا الكلام ان الداخلية لازم تتطهر ومش كلهم سيئين لكن كان فيهم ناس كانت عاوزة تتعمل بلبلة "
وانهي , " الداخلية شلتني ومدخلاني المحكمة لحد القاضي وهما اللي كانوا بيساعدوني مش معني ان بتهم الداخلية ابقي بقول انها كلها وحشة , انا مع الدولة والرئيس والداخلية ولكن عاوز حقي من اللي ضربني صحيح انا مضرب لوحدي ولكن انا بمش بطالب يحقي لوحدي انا عاوز حقوق كل الشهداء وبناشد رئيس الجمهوية ان مش هفك اضرابي وتعبت وعاوز حقي
تنويه ما سيتم عرضه داخل الفيديو يتنافي معد عدد ايام الاضراب لعمرو ولكن تم التسجيل مع المصاب عمرو ابراهيم من 4 ايام وكان مضرب عن الطعام من قبل التسجيل بيومان فبالفعل يدخل اضرابه اليوم لسادس يوم كما كتبنا بعكس مايتطاق مع كلامه في الفيديو ولكن نظرا للظروف السيئة للانترنت لم نتمكن من نشر الفيديو في موعده
لمشاهدة الفيديو الضغط عبر الرابط التالي
التغطية لعيون بورسعيد بالتعاون مع الشبكة الاعلامية رابطة عيون بورسعيد " صفحات ومواقع وجروبات " ومواقع جريدة عيون بورسعيد جريدة جيل الثوره بورسعيد ارض الفداء بورسعيد الباسلة
ساحة النقاش