خاطرة ( أبيض وأسود )
الشاعر / مجدي فرج عامر
فيه ناس ف قصور
ويخوت ف بحور
وخدم وحشم
وحراسه تدور
وعلينا تجور
ناس عايشه الدور
ماهو بينا وبينهم
حاطين سور
وأحنا المساكين
عايشين حرمان
ماهو طبق الفول
أصبح أدمان
ما هي عشره مابينا
بقالها زمان
حامدين شاكرين
دايما فاكرين
فيه رب الكون
عمره ما ينساك
فيه ناس تانين
نازلين طالعين
وآكلين شاربين
عزومات وولايم
ليل ونهار
شمبانيا وويسكي
ف قلب البار
رقص مع بنات
والله دا عار
عايشه ملذات
ميسر وقمار
ماأحلاه التكييف
والجو خريف
دنية تخاريف
ماهو باقي الناس
عايشين ف النار
حتلاقي القله
وكوز ع الزير
حاطين طبليه
في وسط الدار
ناس طافحه الكوته
ليل ويا نهار
بس أما يأذن
أي أذان
تلاقيهم اول
ناس ساجدين
لله حامدين
حافظين للدين
شاكرين افضال
ما أحلاها خصال
بأدعيلهم أنا
وأنتوا قولوا
آميين......
