( أوقات بياخدنى الشوق )***للشاعرة/ سالى نادر

اوقات بياخدني الشوق
و الحنين لعيونك دول
على طول بسرح و بتوه
و بقول فينك يا حبيبي
و فين اراضيك
عشقاك مجنونة أنا بيك
مرت أيام و شهور
و انت غايب يا ضي العين
مشتاقة اشوفك يوم
و نتوه في بحر الشوق
امتى يا حبيبي تعود
محرومة أنا من النوم
و لا ناوية فراق و لا لوم
و الراحة راحت وياك
و الفرحة نسيتها معاك
مش باقيلي غير الاشواق
يا حبيبي تعبت خلاص
الفراق ده زي النار
بيقيد ويزيد جبار
بيحرق جوايا الروح
و لمين بشوقي ابوح
ارجعلي أو خدني و روح ...

سالي نادر ...